© Dandaa.mn. 2011-2023
9-р сарын 26, Мягмар
Улаанбаатар °C
Улаанбаатар

ГССҮТ-д эмчлүүлж буй 3 настай хүүгийн аав тусламж хүсэв

Ээжийнхээ хамтран амьдрагчид зодуулснаас биедээ хүнд гэмтэл аван Гэмтэл согог судлалын үндэсний төвд эмчлүүлж буй гурван настай хүүгийн аав М.Цогтбаатар өнөөдөр /2023.03.22/ мэдээлэл хийж,  ард түмнээсээ тусламж хүслээ.

Тэрбээр “Хүүгээ Турк улс руу яаралтай авч явж, эмчлүүлэх шаардлагатай байна. Зөвхөн эмчилгээний зардалд эхний ээлжинд 150 сая төгрөг хэрэгтэй байгаа тул ард түмнээсээ хандив хүсэж байна.

"Мөрдөн байцаалтын талаар би сайн мэдэхгүй. Хүүгийн маань биеийг асууж ээж нь огт холбогдоогүй, уг нь 48 цаг саатуулагдаад гарсан гэсэн.

Болсон явдлын талаар зургаан настай хүүгээсээ асуухад бага хүүг маань эртнээс зоддог, сандал өргүүлж зогсоодог байсан” гэх зүйлийг ярьсан” гэсэн юм.

Харин Гэмтэл согог судлалын үндэсний төвийн Эмнэлгийн тусламж үйлчилгээ хариуцсан дэд захирал Р.Гантуяа Ц.Батзаяа хүүгийн биеийн байдлыг тодруулахад “Хүү маань эрчимт эмчилгээний 12 дахь хоног дээрээ амьсгалын аппаратнаас гарсан. Эмчилгээ үргэлжлэн хийгдэж байна. Хавсарсан нөхөн сэргээх эмчилгээг хийх шаардлагатай. Хүүг гадаад улс руу авч явж эмчлүүлэх эрх нь хувь хүний сонголт. ГССҮТ шаардлагатай эмчилгээг хийж байна” гэлээ.

СЭТГЭГДЭЛ
АНХААРУУЛГА: Уншигчдын бичсэн сэтгэгдэлд Dandaa.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг хэллэгийг хязгаарласан тул бусдын эрх ашгийг хүндэтгэн үзнэ үү.
0/500 тэмдэгт
НИЙТ СЭТГЭГДЭЛ (0)
Шинэ мэдээ
Их уншсан
Уншиж байна ..