© Dandaa.mn. 2011-2022
9-р сарын 28, Лхагва
Улаанбаатар °C
Эдийн засаг

“Эрдэнэс Монгол” ТУЗ-ийн 180 гишүүнээ чөлөөлж, 800 сая төгрөг хэмнэжээ

“Эрдэнэс Монгол” компанийн санхүү, хөрөнгө оруулалтын газрын захирал Д.Баярбат Coal Mongolia 2022-т “Нүүрсний салбар дахь төрийн өмчит компаниудын бодлогын өөрчлөлт, хөгжлийн чиг хандлага” сэдвээр илтгэл тавив.

-Төрийн хэмнэлтийн тухай хууль гарсан. Энэ дагуу охин болон хараат компаниуд тусдаа ТУЗ-тай байсныг нэгтгэн, зэс, нүүрсний групп нэг л ТУЗ-тэй, энэ нь есөн гишүүнтэй болсон. Нүүрсний групп мөн есөн гишүүн бүхий нэг ТУЗ-тэй байна. “Эрдэнэс Монгол”  компанийн ТУЗ-ийн гишүүд ч ижил тоотой байна.

180 орчим хүнийг ТУЗ-ийн гишүүнээс чөлөөлөв. 15 орлогч, дэд захирлыг мөн чөлөөлсөн. Дагаад туслах, жолооч гэх мэт хүмүүсийг мөн чөлөөлсөн. Охин болон хараат компаниудын оффисыг нэг дор бөөгнөрүүлсэн, өндөр үнэтэй оффис түрээслэхгүй. Жилд 800 орчим сая төгрөгийн зардал хэмнэнэ.

-“Эрдэнэс Монгол”-ын харьяанд нүүсрний таван компани бий. Эдгээр нь “Эрдэнэс таван толгой”, “Багануур”, “Шивээ хүрэн”, “Эрдэнэс Баянбогд” юм.

“Эрдэнэс Баянбогд”-ын тусгай зөвшөөрлийг сарын өмнө авсан.

Энэ компанийн 34 хувийг “Эрдэнэс Монгол”, 66 хувийг нийслэл буюу Улаанбаатарын засаг захиргаа эзэмшиж байна. Энэ компани Дорноговь аймгийн нүүрсний ордыг олборлох төлөвлөгөөтэй.

Одоо урьдчилсан ТЭЗҮ хийж байна. ЭТТ нийт 12 төсөл хөтөлбөр хэрэгжүүлж байна. 

Засгийн газар дөрөвдүгээр сард манай компанийн дүрмийг шинэчлэн баталсан юм. Ингэснээр хараат компаниудаа хэрхэн удирдах, худалдан авалт, орлого, засаглалаа хэрхэн сайжруулах нь тодорхой болсон. Гэхдээ дахин 11 бодлогын баримт бичиг боловсруулах ёстой. 

Гашуунсухайт-Тавантолгойн төмөр замын ажил 92 хувьтай байна.

Гашуунсухайт авто замаар одоо өдөрт 1000 орчим машин гарч, нэг тонныг нь 160 ам.доллараар худалдаж байна. Энэ онд нүүрсээ 100 ам.доллараар худалдах төлөвлөгөөтэй байв.
Авто замын тээвэр тавдугаар сараас жигдэрсэн. Төмөр зам ашиглалтад орсноор авто болон төмөр замаар зэрэг тээвэрлэнэ. Авто замын тээвэр зогсохгүй. Бид жилд 50-70 сая тонн нүүрс гаргах хүчин чадалтай гэв.

СЭТГЭГДЭЛ
АНХААРУУЛГА: Уншигчдын бичсэн сэтгэгдэлд Dandaa.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг хэллэгийг хязгаарласан тул бусдын эрх ашгийг хүндэтгэн үзнэ үү.
0/500 тэмдэгт
НИЙТ СЭТГЭГДЭЛ (0)
Шинэ мэдээ
Их уншсан
Цаг агаар дуудаж байна...
Уншиж байна ..